التخطي إلى المحتوى الرئيسي

لست أنا من يجبر!!



لست انا من يجبر علي اختيار لا يريده او ليس راض عنه تمام الرضا.
أنا من قام بثوره تفاخر بها العالم كله, أنا من نزل الشارع و طالب برحيل نظام ظل باركا علي شعب بكامله ثلاثون عاما. 
أنا من كتب بدمه اول انتخابات رئاسيه في مصر منذ اول تاريخها.
انا من فتح الباب للحريات و انتخب مجلس شعب بطريقه سلميه سليمه 
أنا من اخرج المظلومين من عتمه السجون و ادخل الطغاه واللصوص
أنا من استشهد اخيه و سحلت اخته في الميدان
انا من تنفس الحريه في شهور الثوره الاوائل قبل ركوب الطامعين و اصحاب المصالح و دنسوا كل غال واقعوا بنا فيما نحن فيه الان , لا اظنهم فيحيره من امرهم مثلنا لان مرشحهم نال شرف الاعاده رغم انه لم تكن له جولي اولي من الاساس
انا من هتف ضد مغتصبك ومجلسه 
انا من حاول تطهير اعلامك و صحفك ومن بات في العراء ليحميكي
فلست انا من يجبر علي اختيار او ينساق وراء مكتوب كتبه كاتب من خلف قضبانه ونفذه حراميها
لست انا من يجبر علي اختيار جماعه خرجت من السجون تلهث وراء السلطه وتكذب باسم دين الاسلام
من صفحه( احنا الي انتخبنا حمدين):
احنا جيل اتصور مع صبعه البمبي
احنا جيل بيخاف من امه اكتر ما بيخاف من ضرب النار
احنا جيل إمامه الشيخ عماد عفت و يحمل رايته... مينا دانيال
احنا جيل عمل حظر تجول للداخلية
احنا جيل راح ماتش كورة مات
احنا جيل بيجروا ويتسبقوا ورا قنبلة الغاز
احنا جيل بيكتب وصيته ويطلع شهادة وفاته قبل البطاقه
احنا جيل مفيش أى سبب يخلينا نحب البلد دى .
و مع ذلك ممكن نموت عشانها
احنا جيل بيقول للحاكم : قــــــــــــوم ومش هاقعد مطرحــــك
احنا جيل لا اتغذى كويس ولا اتعالج كويس ولا اتعلم كويس .
لكنه بيفكــــر كويس
احنا جيل شكله هيخلص ومش هيلحق يحكى حاجه للجيل اللى جي
احنا جيل بيحــــارب علشان أولاده .. اللي لسه ما خلفهمـــش
احنا جيل كسر حاجز الخوف اللي محدش قدر يكسره من 60 سنة
احنا جيل من أفعاله تتولد الأفكــــــــــــــار
احنا جيل اتربى على التليفزيون المصرى وبرضة متأثرش بية

لا اجبار !

تعليقات

  1. Karim Diaa Eldin2 يونيو 2012 في 12:25 ص

    لا يمكن انتخب شفيق لكن مش حنسى لما الاخوان صقفوا لبكري و هو بيشتم في الثوار و البرادعي

    _ مش ممكن انتخب شفيق بس مش حنسى لما هتفوا للمشير في جمعة الشريعة

    _ مش ممكن انتخب شفيق بس مش حنسى صفوت و شقة العجوزة و زحف العمائم و انتخاب مرسي جهاد،ومنال ابو الحسن بتقول عليه مدعوم من الله

    _ مش ممكن انتخب شفيق بس مش حنسى مسمى جمعة القطيعة و بانديتا و لما باعوا الالتراس بعد بورسعيد و ميليشياتهم اللي وقفت قدام مجلس الشعب

    _ مش ممكن انتخب شفيق بس مش حنسى النائب اللي عيط على ابنه و طلع مع يسري يكرر نفس نظريات المؤامرة بتاعة عكاشة

    _ مش ممكن انتخب شفيق بس مش حنسى لما استعملوا الدين لشيطنة اي حد وقف ضدهم وسكتوا كل اللي اتكلم ضد الجيش و الداخلية في البرلمان

    _ مش ممكن انتخب شفيق بس مش حنسى لما سابوا الناس تموت في محمد محمود عشان يجروا على الانتخابات

    _ مش ممكن حنتخب شفيق بس مش حانسى تعاليهم و غرورهم و استحواذهم على التآسيسية و احتياجهم للقلة المنحلة اللي زيينا لما يتزنقوا بس

    _ كام مرة نقول نوصل لبر الامان و بعدين نتحاسب و برضة بيببعونا قبل ما نوصل. مافيش غير رهن مقر المقطم و يمضوا على قايمة العفش

    ردحذف

إرسال تعليق

المشاركات الشائعة من هذه المدونة

ما بين محتكري الدين و محتكري السياسه

بعد قام ثوره 25/يناير /2011 وخروج الملايين في الشوارع و عجز نظام مبارك عن معرفه قائدا للثوره و ارتباك جميع القوي السياسيه سواء المواليه لنظام مبارك او المعارضه له  ,بدأت مرحله جديده من التفكير و بدأت القوي السياسيه  تتسائل هل سيجد النظام حلا للبقاء في السلطه ام انتهي الامر .كان كلا يراقب الموقف سواء كانت الاحزاب الصغيره او القوي و الحركات السياسيه و كان من ضمنهم جماعه الاخوان المسلمين وبدي الموقف هكذا حتي يوم ال 28 وبانسحاب الشرطه بدت الصوره اكثر وضوحا و يبدأ الجميع العمل بيقين أن نظام مبارك لا تستطيع صد الشارع و ان شئ ما علي وشك الحدوث, بدأت جماعه الاخوان المسلمين عندئذ الترتيب للمرحل التاليه و التي اعتبرتها فرصه لم تكن علي البال حيث أن الجماعه لم تدعوا او تشارك في بدايه الثوره بل و اعلن مكتب الارشاد ان الجماعه لن تشارك بصفه رسميه في يوم ال25 من يناير . كانت السلطه الحاكمه و باداره عمر سليمان نائب الرئيس قد ايقنت ان الجماعه قد تخلت عنها و انتهزوا فرصه الثوره و بدؤا الترتيب للسلطه ولم يكن هذا خافيا علي احد بل كان واضحا جدا خاصه لشباب الثوره انفسهم وكان الرأي انه اي فصيل سي...
إرسال تعليق
قراءة المزيد

لماذا الاعاده؟

الحقيقه اننا نسير بسياره جديده بسرعه كبيره وامامنا مفترق طرق, مقترق مخرجيه ناحيه اليمين الرأسمالي و كلاهما يمثل ارقا للشعب المصري حتي كدنا نتسائل من اللخبطه من انتخبهم؟! نحن من ذهبنا الي صندوق الاقتراع واثنان اخران لا يمثلان الاغلبيه  ولا يمثلان الثوره هم في الاعاده! ماذا حدث ولماذا؟ ( العند يولد الكفر), فمنذ بدايه الثوره وموجات عارمه من العند و محاولات التمسك بالرأي و تجاهل الرأي الاخر موجوده و بقوه وزادها ايضا هاوين السياسه و المستجدين  والخبراء الذي لانعلم من اتي بهم و ايضا من الجماعه , فاصبح كلا متمسكا برأيه رافضا في باطنه الاخر نجتمع لطرح فكره واحده فقط فلم يتم التوافق او نيه التوافق منذ البدايه علي حل مشترك بل احيانا ترفض الافكار الجيده و يخون صاحبها ! ثم اتت الايام الايام لنجد مرشحي الاعاده علي اختلاف خلفيتهم يتنافسون لاستمالته و استماله انصاره. اذا بدأنا بالاسئله فاعتقد ان من اهمها هو لماذا لم يحترم مرشحوا الثوره الثوره و يتحدوا معا؟ لماذا لم نري نزولا علي رغبه الوطن ونزولا لرغبه الشعب و تجنيبه مراره الاختيار بين مرشحين يعرفون تماما مدي ثوريتهم؟ لماذا؟ حتي لا ...
إرسال تعليق
قراءة المزيد

لقاء انقاذ الكرسي

خلال يوم صمتت فيه كل الاصوت الا صوت التحرير, تفاجئت بدعوه لمقابله نائب رئيس الجمهوريه عمر سليمان في محاوله واهيه لانقاذ كرسي رئيس الجمهوريه لبيت تلك الدعوه وذهبت الي مقر مجلس الوزراء الذي كان من المقرر الاجتماع في احدي قاعاته وفور دخولي شاهدت جمع غفير من رؤساء الاحزاب المصريه وبعض الشخصيات العامه وممثلين عن جماعه الاخوان المسلمين يجلسون حول طاوله حوار تعرفت خلال المقابله بعض شباب كانوا فيما بعد من المع الوجوه اعلاميا ولا سيما مصطفي النجار و عبدالرحمن القرضاوي وداليا متولي و ياسر الهوارى وشخص يدعي مدحت قدم نفسه صحفي طاره ومحام طاره اخري بدأ الاجتماع المرتقب بدخول عمر سليمان و طالبا منا الوقوف دقيقه حدادا علي روح الشهداء الذين كانت تسيل دمائهم بالقرب قاعه الاجتماع ثم أفاض بالحديث عن عده مقترحات وأجراءات و لجان أستشاريه لتنفيذ مطالب الميدان موضحا انه سيتم توزيع قائمه بالاسماء المرشحه لتلك الجان للوصول حول قائمه توافقيه ثم جرت بعدها المهاترات والاعتراضات، ثم قام رؤساء الاحزاب الحاضره بمناقشه خطه العمل في المرحله المقبله وتسليم السلطه واوضاع البلاد والعجيب انتقال البعض...
إرسال تعليق
قراءة المزيد